दापोडी,दि.०५ जानेवारी २०२६(प्रजेचा विकास न्युज प्रतिनिधी):- पिंपरी-चिंचवड महानगरपालिकेच्या सार्वत्रिक निवडणूक २०२६ च्या पार्श्वभूमीवर प्रभाग क्र. ३० (अ) अनुसूचित जाती (SC) पुरुष गटातून माजी नगरसेवक तथा स्थायी समितीचे सदस्य मा. श्री. राजू विश्वनाथ बनसोडे यांनी पुन्हा एकदा जनतेकडे कौल मागितला आहे.
कासारवाडी, फुगेवाडी आणि दापोडी या भागांचे २०१७ ते २०२२ या कालावधीत यशस्वी प्रतिनिधित्व करताना कोणताही भेदभाव न करता सर्वसामान्य नागरिकांच्या अडीअडचणी सोडविण्यावर भर दिल्याचे त्यांनी सांगितले. कोरोना महामारीसारख्या कठीण काळातही मर्यादित कालावधीत जनतेसाठी सतत उपलब्ध राहून मूलभूत सुविधा, नागरी समस्या व सामाजिक प्रश्न मार्गी लावल्याचा त्यांनी उल्लेख केला.
राजू बनसोडे हे स्वतः गोरगरीब, सर्वसामान्य कुटुंबातून पुढे आलेले असून जनतेच्या आशीर्वादामुळेच आपण नगरसेवकपदापर्यंत पोहोचलो, असे नमूद करत त्यांनी पुन्हा एकदा सेवेसाठी संधी देण्याचे आवाहन केले आहे.
“माझा अजेंडा केवळ रस्ते, पाणी व वीजपुरता मर्यादित नसून, प्रभागातील अग्निशामक केंद्र, जलतरण तलाव, रुग्णालय, विद्युत दाहिनी आदी आरक्षित विकासकामे प्रत्यक्षात आणण्यासाठी सातत्याने पाठपुरावा केला असून ही कामे अंतिम टप्प्यात आहेत,” असे त्यांनी सांगितले.
माता-भगिनी, ज्येष्ठ नागरिक तसेच सर्व समाजघटकांच्या आशीर्वादाच्या बळावर प्रभागाचा सर्वांगीण विकास साधण्याचा निर्धार व्यक्त करत, निश्चयी नेतृत्व व विकासाच्या धोरणाला साथ देण्याचे आवाहन त्यांनी मतदारांना केले आहे.
“जनतेचा विश्वास आणि माझी मेहनत यांच्या जोरावर प्रभागात सन्मान, समृद्धी आणि विकासाचे नवे पर्व सुरू करू,” असा विश्वासही त्यांनी व्यक्त केला.
या निवडणुकीत निवडणूक चिन्ह ‘घड्याळ’ असून या चिन्हावर मतदान करण्याचे आवाहन माजी नगरसेवक मा. श्री. राजू (राजाभाऊ) विश्वनाथ बनसोडे यांनी केले आहे.
त्यांच्यासोबत पॅनलमधील उमेदवार म्हणून पॅनल ‘ब’ – लांघी प्रतिक्षा राजेंद्र जवळकर, पॅनल ‘क’ – काटे स्वाती उर्फ माई चंद्रकांत आणि पॅनल ‘ड’ – काटे रोहित उर्फ आप्पा सुदाम हे उमेदवार रिंगणात आहेत.
सर्व पॅनल उमेदवारांनी एकत्र येत नागरिकांसाठी विकासाचे काम अधिक गतीने करण्याचा संकल्प व्यक्त केला असून, मतदारांनी घड्याळ या निवडणूक चिन्हावर भरभरून प्रेम देत आशीर्वादरूपी मतदान करावे, असे आवाहन त्यांनी केले आहे. “संपूर्ण पॅनलला साथ दिल्यास प्रभागाचा सर्वांगीण, नियोजित व पारदर्शक विकास साधता येईल,” असा विश्वास उमेदवारांनी व्यक्त केला.
