किवळे,दि.३० डिसेंबर २०२५(प्रजेचा विकास न्युज प्रतिनिधी):-पिंपरी चिंचवड महानगर पालिकि प्रभाग क्रमांक १६ मध्ये राष्ट्रवादी काँग्रेस पक्षाला पुन्हा एकदा मोठा धक्का बसला आहे. गेली सात वर्षे प्रभागात राष्ट्रवादीचा जनाधार मजबूत करणारे, प्रजेच्या प्रश्नांसाठी सातत्याने झटणारे बापू कातळे यांना उमेदवारी नाकारल्याने त्यांनी शिवसेना शिंदे गटात जाहीर प्रवेश केला आहे.
बापू कातळे यांच्या प्रवेशानंतर शिवसेना शिंदे गटाने तात्काळ निर्णय घेत प्रभाग क्रमांक १६ क – सर्वसाधारण महिला गटातून रेश्मा बापू कातळे यांना अधिकृत उमेदवारी दिली आहे. यासंदर्भात ए बी फॉर्म देखील देण्यात आला असून, पक्षाची उमेदवारी अधिकृत झाल्याने प्रभागातील राजकीय चित्र स्पष्ट झाले आहे.
विशेष म्हणजे हा पक्षप्रवेश मावळ लोकसभा मतदारसंघाचे खासदार मा. श्रीरंग आप्पा बारणे यांच्या उपस्थितीत पार पडला. त्यामुळे हा प्रवेश केवळ स्थानिक पातळीवर मर्यादित न राहता, राजकीयदृष्ट्या महत्त्वाचा मानला जात आहे.
बापू कातळे हे काम करणारे, लोकांमध्ये वावरणारे आणि प्रभागातील मूलभूत प्रश्नांसाठी संघर्ष करणारे नेतृत्व म्हणून ओळखले जात होते. मात्र अशा कार्यकर्त्याला डावलल्याने राष्ट्रवादीने पुन्हा एकदा कामापेक्षा तिकीट समीकरणांना महत्त्व दिल्याची टीका प्रभागात होत आहे.
बापू कातळे यांच्या शिवसेना शिंदे गटातील प्रवेशामुळे आणि रेश्मा कातळे यांना अधिकृत उमेदवारी दिल्यामुळे प्रभाग क्रमांक १६ मध्ये लढत चुरशीची होणार असून, राष्ट्रवादीसाठी ही निवडणूक अधिक कठीण ठरणार असल्याचे स्पष्ट संकेत दिसत आहेत.
