थेरगाव,दि.१२ जानेवारी २०२६(प्रजेचा विकास न्यूज प्रतिनिधी):-“समाजसेवेचा वारसा, विकासाची ठोस भूमिका आणि महिलांचे सक्षम नेतृत्व” पिंपरी–चिंचवड महानगरपालिका निवडणुकीच्या पार्श्वभूमीवर प्रभाग क्रमांक २३ मध्ये सामाजिक कार्यातून उभं राहिलेलं नेतृत्व म्हणून सौ. कांचनताई अमोल जावळे यांचे नाव केंद्रस्थानी आले आहे. वर्षानुवर्षे जनतेच्या सुख-दुःखात सहभागी होत प्रत्यक्ष कामातून विश्वास निर्माण करणाऱ्या कांचनताईंकडे आता मतदार आशेने पाहत आहेत.
समाजसेवेचा वारसा लाभलेल्या कुटुंबातून आलेल्या कांचनताई जावळे यांनी आरोग्य, शिक्षण, महिला सक्षमीकरण, युवक प्रबोधन, गरजू नागरिकांसाठी मदत तसेच आपत्कालीन परिस्थितीत केलेल्या कार्यामुळे स्वतंत्र ओळख निर्माण केली आहे. कोरोना काळातील योगदान, महिलांसाठी स्वावलंबन उपक्रम आणि विविध सामाजिक उपक्रमांनी त्यांच्या कामाचा ठसा प्रभागात उमटला आहे.
“नव्या युगाची नारी – विकासाची जबाबदारी”
हा फक्त घोषवाक्य नसून कांचनताईंच्या कामाची ओळख आहे. रस्ते, पाणीपुरवठा, स्वच्छता, महिला सुरक्षा, युवकांसाठी संधी आणि सामाजिक सलोखा या मुद्द्यांवर त्यांची ठाम व स्पष्ट भूमिका आहे. समस्या ऐकून घेण्यापुरते मर्यादित न राहता त्यावर उपाययोजना करण्याचा त्यांचा स्वभाव मतदारांना भावत आहे.
नागरिकांची भावना
“आमच्या भागात फक्त आश्वासन नव्हे तर काम करणारे नेतृत्व हवे आहे. कांचनताई या आमच्यातल्या आहेत,” अशी भावना अनेक नागरिक व्यक्त करत आहेत.
महिलांचे नेतृत्व – प्रभागाचा आत्मविश्वास
महिला नेतृत्वाला प्रभाग २३ मध्ये मिळणारा प्रतिसाद लक्षणीय आहे. महिला, युवक, ज्येष्ठ नागरिक तसेच सामाजिक संघटनांचा कांचनताईंना वाढता पाठिंबा मिळत असून ‘नेतृत्वातून सेवा’ हा त्यांचा दृष्टिकोन लोकांमध्ये विश्वास निर्माण करत आहे.
निर्णयाची वेळ
आगामी महानगरपालिका निवडणुकीत पारदर्शक प्रशासन, सर्वसमावेशक विकास आणि सामान्यांच्या प्रश्नांना प्राधान्य देणारे नेतृत्व निवडण्याची वेळ आली आहे. जनतेशी जोडलेलं, अनुभवी आणि संवेदनशील नेतृत्व म्हणून सौ. कांचनताई अमोल जावळे या प्रभाग २३ मधील विश्वासाचा पर्याय ठरत असल्याचे चित्र स्पष्ट होत आहे.
