वाल्हेकरवाडी, दि. १२ जानेवारी २०२६ (प्रजेचा विकास न्यूज प्रतिनिधी):— पिंपरी-चिंचवड महानगरपालिकेच्या सार्वत्रिक निवडणुकीत प्रभाग क्रमांक १७ ‘क’ मध्ये काँग्रेसच्या अधिकृत उमेदवार मा. सुप्रिया भरत वाल्हेकर यांच्या प्रचाराला निर्णायक वळण मिळाले असून प्रचाराच्या शेवटच्या टप्प्यात संपूर्ण प्रभागात काँग्रेसच्या ‘पंजा’ चिन्हाचीच चर्चा रंगताना दिसत आहे.
विकास, स्वच्छ प्रशासन आणि सामान्य जनतेच्या हक्कांचा ठाम अजेंडा घेऊन मैदानात उतरलेल्या सुप्रिया वाल्हेकर यांनी घराघरांत थेट संवाद साधत नागरिकांच्या प्रश्नांना हात घातला. महिला सक्षमीकरण, युवकांसाठी रोजगार व संधी, पाणीपुरवठा, अंतर्गत रस्ते, आरोग्य सुविधा, शिक्षण आणि मूलभूत नागरी सुविधा—या मुद्द्यांवर त्यांनी स्पष्ट भूमिका मांडली.
“घोषणांपेक्षा कामाला प्राधान्य, श्रेयवादापेक्षा जबाबदारी”—हा संदेश मतदारांपर्यंत ठामपणे पोहोचवण्यात आला.
प्रचारादरम्यान नागरिकांमधून व्यक्त होत असलेली नाराजी स्पष्ट आहे. पाणीटंचाई, रस्त्यांची दुरवस्था, आरोग्य सेवांचा अभाव आणि पारदर्शकतेचा प्रश्न—हे प्रश्न आजही प्रभागात तितकेच ज्वलंत असल्याचे मतदार सांगत आहेत. याउलट, काँग्रेसकडून नियोजनबद्ध विकास, गुणवत्ता आणि वेळेत अंमलबजावणी यावर भर दिला जात आहे. त्यामुळेच प्रचाराच्या शेवटी वातावरण बदलले असून परिवर्तनाची चाहूल लागल्याचे चित्र आहे.
राजकीय चर्चांमध्ये आता एकच नाद घुमतो आहे—
“घड्याळ आणि धनुष्यबाणला भारी पडणार ‘पंजा’!”
प्रचाराच्या शेवटच्या दिवशी रस्त्यावर, चौकात, गल्ल्यांत आणि सोसायट्यांत काँग्रेसच्या विजयाच्या चर्चा रंगताना दिसत असून “या वेळी शिट एकच—काँग्रेसची!” असा विश्वास कार्यकर्त्यांसह मतदारही व्यक्त करत आहेत.
मतदान गुरुवार, १५ जानेवारी २०२६ रोजी सकाळी ७ ते सायंकाळी ६ या वेळेत होणार आहे. प्रभाग १७ ‘क’ मधील मतदारांनी EVM वर ‘पंजा’ चिन्हासमोरील बटन दाबून सुप्रिया भरत वाल्हेकर यांना मतदान करण्याचे आवाहन काँग्रेसकडून करण्यात येत आहे.
प्रचाराच्या अखेरीस चित्र स्पष्ट होत असून—प्रभाग १७ ‘क’ मध्ये सुप्रिया भरत वाल्हेकर बाजी मारणार, असा ठाम विश्वास व्यक्त केला जात आहे.
