विकासाची नवी आशा – ‘आशा ताई’ तानाजी भोंडवे निवडणूक रिंगणात ✨

रावेत,दि.२७ डिंसेबर २०२५ (प्रजेचा विकास न्युज प्रतिनिधी):-
पिंपरी चिंचवड महानगरपालिका निवडणूक 2026 च्या पार्श्वभूमीवर प्रभाग क्रमांक 16 क (सर्वसाधारण महिला) मध्ये राजकीय हालचालींना वेग आला आहे. “विकासाची नवी आशा – आशा ताई” या घोषवाक्यासह सौ. आशा तानाजी (आप्पा) भोंडवे यांनी निवडणूक रिंगणात उतरण्याची घोषणा केली आहे. मामुर्डी, किवळे, विकासनगर, रावेत आणि गुरुद्वारा परिसरातून त्या मतदारांशी थेट संवाद साधत आहेत.
या प्रभागात सध्या नगरसेविका असलेल्या संगीता भोंडवे यांच्या विरोधात आशा भोंडवे यांची थेट लढत होणार असल्याने निवडणूक अधिकच रंगतदार ठरण्याची शक्यता आहे. स्थानिक प्रश्न, मूलभूत सुविधा, महिला-सक्षमीकरण आणि परिसराचा समतोल विकास हे मुद्दे आशा भोंडवे यांच्या प्रचाराचा केंद्रबिंदू असल्याचे दिसून येत आहे.
नागरिकांच्या समस्या समजून घेऊन पाणीपुरवठा, रस्ते, आरोग्य, स्वच्छता आणि शिक्षण या विषयांवर ठोस कामाचा आराखडा मांडण्याचा त्यांचा दावा आहे. “प्रभागातील प्रत्येक घटकाचा आवाज महापालिकेत पोहोचवणे हेच आमचे ध्येय,” असे त्या म्हणतात.
या पार्श्वभूमीवर प्रभाग 16 क मध्ये दोन अनुभवी नेतृत्वांमध्ये होणारी ही लढत मतदारांचे लक्ष वेधून घेत असून, येत्या काळात प्रचारात आणखी चुरस वाढण्याची चिन्हे आहेत.