देगलुर,दि.१९ नोव्हेंबर २०२५(प्रजेचा विकास न्युज प्रतिनिधी) :- नगर पालिका सार्वत्रिक निवडणुकीपूर्वी शहरात नेमलेल्या वाहन तपासणी (चेकिंग) पथकाची कामगिरी आदर्शवत ठरत आहे. संपूर्ण तपासणी प्रक्रिया पद्धतशीर, नियमबद्ध आणि नागरिकमैत्री पद्धतीने होत असल्याचे पत्रकारांनी पाहणीदरम्यान प्रत्यक्ष अनुभवले. पथकाच्या कार्यतत्परतेचे सर्व स्तरांतून कौतुक होत आहे.
पत्रकारांनी चेकिंग पथकाला भेट दिली असता, अधिकारी व कर्मचारी पूर्ण दक्षतेने वाहने थांबवून तपासणी करत असल्याचे स्पष्ट दिसले. कोणत्याही प्रकारची घाई-गडबड टाळून शांत, सौजन्यपूर्ण संवादातून वाहनधारकांची तपासणी करणाऱ्या पथकाची कार्यपद्धती विशेष उल्लेखनीय ठरली.या वेळी FST पथक प्रमुख अमित राठोड, शिवाजी मठठवाड, प्रफुल कंधारे
SST पथक : भीमराव जोंधळे, गायकवाड साहेब, पी. व्ही. पांढरे
पोलीस कर्मचारी : बिरादार साहेब सामाजिक कार्यकर्ते : अनिल कांबळे सुंडगीकर
पत्रकार : अजय कांबळे (प्रजेचा विकास न्युज प्रतिनिधी देगलूर), भीमराव दिपके (देगलूर प्रजेचा विकास न्युज प्रतिनिधी) उपस्थित होते.
प्रभारी अधिकाऱ्यांनी सांगितले की,
“निवडणुकीत कायदा व सुव्यवस्था अबाधित राखणे आणि कोणत्याही अनुचित प्रकारांना आळा घालणे ही आमची प्राथमिक जबाबदारी आहे. संपूर्ण पथक पारदर्शकतेने आणि शंभर टक्के दक्षतेने काम करत आहे,” असे त्यांनी नमूद केले.
तपासणीदरम्यान काही संशयित वाहनांची कागदपत्रे तपासून आवश्यक ती कारवाई करण्यात आली. मात्र सर्वसामान्य वाहनचालकांना कुठलाही त्रास न होता तपासणी सुरळीत पार पडल्याने नागरिकांनीही पथकाच्या कामाचे अभिनंदन केले.
पत्रकारांच्या पाहणीत पथकाचे वेळापालन, जबाबदारीची जाणीव, नियमांच्या अंमलबजावणीतला शिस्तबद्ध दृष्टिकोन आणि नागरिकांशी केलेला सौजन्यपूर्ण संवाद, हे घटक लक्षणीय ठरले. निवडणूक सुरळीत, शांततापूर्ण आणि पारदर्शक वातावरणात पार पडावी यासाठी या पथकाचे योगदान निश्चितच मोलाचे आहे.
