🌟 पिंपरी चिंचवड महानगरपालिका सेवकांची सहकारी पतसंस्था मर्या. यांना “राज्यस्तरीय आदर्श पतसंस्था” दिपस्तंभ पुरस्कार 🌟

पिंपरी, दि. १३ ऑक्टोबर २०२५(प्रजेचा विकास न्युज प्रतिनिधी): — पिंपरी चिंचवड महानगरपालिका सेवकांची सहकारी पतसंस्था मर्यादित, शुभम गॅलेरिया, पिंपरी – पुणे-१८ या संस्थेला महाराष्ट्र राज्य सहकारी पतसंस्था फेडरेशन पुरस्कृत राज्यस्तरीय “आदर्श पतसंस्था” पुरस्कार सन २०२४-२५ या वर्षासाठी प्रदान करण्यात आला आहे.

हा मानाचा “दिपस्तंभ पुरस्कार” समारंभ गोकर्ण महाबळेश्वर (कर्नाटक) येथे संपन्न झाला. कार्यक्रमाला कर्नाटक राज्याचे खासदार मा. श्री प्रभाकर कोरे, अण्णासाहेब जोले, आमदार मा. सौ. शशिकला जोले, तसेच महाराष्ट्र राज्य सहकारी पतसंस्था फेडरेशनचे अध्यक्ष मा. ओमप्रकाश (काका) कोयटे यांची प्रमुख उपस्थिती होती.

या समारंभात पुणे विभागातून प्रथम क्रमांक मिळवत संस्थेला सन्मानित करण्यात आले. संस्थेचे मार्गदर्शक व तज्ञ संचालक मा. श्री शशिकांत उर्फ बबनराव झिंजुर्डे (अध्यक्ष – पिंपरी चिंचवड मनपा कर्मचारी महासंघ), चेअरमन मा. श्री शिवाजी येळवंडे, व्हा. चेअरमन श्री ज्ञानेश्वर शिंदे, सेक्रेटरी श्री विश्वनाथ लांडगे व खजिनदार श्री अभिषेक फुगे यांनी पुरस्कार स्विकारला.

या प्रसंगी संचालक चारुशिला जोशी, सनी कदम, नथा मातेरे, विजया कांबळे, योगेश रानवडे, विजय मुंडे, वैभव देवकर, युनुस पगडीवाले हे उपस्थित होते.

संस्थेला सलग पाचव्यांदा हा मानाचा पुरस्कार प्राप्त झाला असून यशाचे श्रेय संस्थेचे मार्गदर्शक मा. झिंजुर्डे यांच्या मार्गदर्शनासोबतच संचालक मंडळ व सर्व सभासदांच्या अखंड सहकार्याला जाते.

संस्थेच्या सर्व संचालक, सल्लागार आणि सभासदांचे मनःपूर्वक अभिनंदन करण्यात येत असून पुढील कार्यासाठी शुभेच्छा देण्यात आल्या आहेत.