रावेत,दि.१७ सप्टेंबर २०२५ (प्रजेचा विकास न्युज प्रतिनिधी):-रावेत, किवळे आणि आदर्शनगर परिसरात गणेशोत्सवाच्या पार्श्वभूमीवर घरगुती गणेशमूर्ती सजावट स्पर्धा उत्साहात पार पडली. संकल्प सोशल फाउंडेशन आणि श्री. बापू दिनकर कातळे यांच्या पुढाकारातून झालेल्या या उपक्रमाने भक्ती, कला आणि सामाजिकतेचा सुंदर संगम घडवून आणला.
गणेशोत्सव हा केवळ धार्मिक सोहळा नसून सामाजिक बांधिलकी, ऐक्य आणि कलात्मकतेचे प्रदर्शन ठरतो. यंदाच्या स्पर्धेतही स्पर्धकांनी शनिवारवाड्याची प्रतिकृती, सामाजिक संदेश देणारे देखावे, तसेच आधुनिक तंत्रज्ञानाचा वापर करून सजावट करून परिसर भारावून टाकला.
स्पर्धा विभागनिहाय पार पडली. प्रत्येक विभागातील प्रथम विजेत्यास 42 इंची स्मार्ट टीव्ही, द्वितीय विजेत्यास 32 इंची स्मार्ट टीव्ही तर तृतीय विजेत्यास स्मार्टफोन असे आकर्षक बक्षिसे देण्यात आली. सर्व सहभागी स्पर्धकांना प्रोत्साहनपर भेटवस्तू दिल्या गेल्या. खरी जिंकली ती सहभागींची कलात्मकता आणि सामूहिकतेची भावना.
या कार्यक्रमाला चिंचवड विधानसभा मतदारसंघाचे नेते मा. विठ्ठल (नाना) काटे उपस्थित राहून स्पर्धकांचे कौतुक केले. आयोजक श्री. बापू दिनकर कातळे यांनी पुढील वर्षी हा उपक्रम अधिक मोठ्या प्रमाणावर राबवण्याचा संकल्प व्यक्त केला.
आजच्या यांत्रिक आणि तणावपूर्ण जीवनशैलीत अशा उपक्रमांची गरज असल्याचे प्रतिपादन करत उपस्थित मान्यवरांनी पुढील पिढीला परंपरेसोबतच सर्जनशीलता, सामाजिकता आणि एकोप्याचा वारसा देण्यासाठी हा उपक्रम महत्त्वपूर्ण असल्याचे सांगितले.
🎉 गणपती सजावट स्पर्धा विजेते यादी
विभाग : विकासनगर
१. गणेश कटियार
२. दिनेश चिगटे
३. उत्कर्ष विजय अग्रवाल
विभाग : आदर्शनगर, दत्तनगर
१. सचिन देशपांडे
२. प्रविण बाळघरे
३. सुधीर लिपारे
विभाग : साईनगर, मामुर्डी
१. अभिजीत जनार्धन डाभाडे
२. मोनिका विनायक शिरसाठ
३. मनीषा कुंभार
विभाग : रावेत
१. महेश बसावट
२. विराज घोलप
३. गणेश कोडीतकर
विभाग : वाल्हेकर वाडी
१. संदीप टकले
२. राहुल पन्हाळकर
३. प्रदीप शेटे
विभाग : किवळे
१. वैभव राजाराम तरस
२. अथर्व केशव जरे
३. नितीन सोपान येवले
