पिंपरी चिंचवड महानगरपालिकेचे प्रारूप प्रभाग रचना जाहीर. ४ सप्टेंबर पर्यंत हरकती..

किवळे,दि.२३ ऑगस्ट २०२५ (प्रजेचा विकास न्यूज प्रतिनिधी): – पिंपरी-चिंचवड महापालिका निवडणुकीसाठी प्रारुप प्रभाग रचना तयार झाली आहे. राज्य निवडणूक आयोगाने प्रारुप प्रभागरचनेला शुक्रवारी (दि. २२) सायंकाळी मान्यता दिल्यानंतर सायंकाळी आठ वाजता महापालिकेच्या संकेतस्थळावर प्रभागरचना प्रसिद्ध करण्यात आली. तसेच शुक्रवारी रात्री उशिरा महापालिका मुख्यालयाच्या आवारामध्ये प्रारुप प्रभागरचनेचे नकाशे व माहिती प्रसिद्ध करण्यात आली. प्रभगरचना कशी असेल हे जाणून घेण्यासाठी माजी नगरसेवक व इच्छुकांची गर्दी पहिला मिळाली.व सर्व प्रभागात चर्चाना सुरवात झाली. ४ सप्टेंबर पर्यंत हरकती आणि सूचना मागवले जातील. तर काहींनी संकेतस्थळावर नकाशे पाहत आपल्या निवडणुकीचा अंदाज बांधायला सुरवात झाली.

प्रशासकीय राजवटीत सर्वोच्च न्यायालयाने दिलेल्या निर्णयानुसार राज्यातील स्थानिक स्वराज्य संस्थेच्या निवडणूक घेण्यात येत आहेत. महापालिकेची निवडणुका फेब्रुवारी २०१७ नंतर आता निवडणूका होत आहे. त्यामुळे निवडणुकीची वाट पहाणार्‍या सर्व माजी नगरसेवकांसह इच्छुकांमध्ये प्रचंड उत्सुकता आहे. दरम्यान, महापालिका १२ मार्च २०२२ पासून बरखास्त आहे.त्यामुळे सर्वच आजी माजी भावी कामाला लागतील. ह्या गणेशोत्सवात प्रचाराचा श्री गणेशा देखील करतील.मनपा आयुक्त हे प्रशासक म्हणून १३ मार्च २०२२ पासून ते आतापर्यंत महापालिकेचे कामकाज पाहत आहेत. आयुक्त तथा प्रशासक शेखर सिंह यांच्या अध्यक्षतेखाली निवडणूक विभागाचे सहाय्यक आयुक्त अविनाश शिंदे यांच्या टिमने प्रारुप प्रभाग रचनेचे नकाशे तयार केले होते.त्यास निवडणूक आयोगाची मान्यता मिळाल्यानंतर ते आज प्रसिद्ध करण्यात आले.

 मा.राज्य निवडणुक आयोग/ आयोगाने प्राधिकृत केलेल्या अधिका-याने प्रारुप प्रभाग रचनेस (दि.२२ ऑगस्ट रोजी)मान्यता दिली.प्रारुप प्रभाग रचना प्रसिद्ध करणे व त्यावर हरकती सूचना मागविणे.संबंधित महानगरपालिका आयुक्त यांच्या आदेशानुसार २२ ऑगस्ट ते ०४ सप्टेंबर, २०२५ पर्यंत होईल. त्यानंतर शासनाने नियुक्त केलेल्या प्राधिकृत अधिका-याने प्राप्त हरकती सूचनांवर सुनावणी घेतील.०५ सप्टेंबर ते १२ सप्टेंबर, २०२५ पर्यंत.सुनावणीनंतर हरकती व सूचनांवरील शिफारशी विचारात घेऊन प्राधिकृत अधिका-यांनी प्रभाग रचना अंतीम करून नगर विकास विभागास सादर करतील.शासनाचे प्राधिकृत अधिकारी महानगरपालिका आयुक्तामार्फ़त १३ सप्टेंबर ते १५ सप्टेंबर, २०२५ पर्यंत नंतर प्राधिकृत अधिकारी यांनी अंतीम केलेला प्रभाग रचनेचा प्रस्ताव राज्य निवडणूक आयोगास सादर करतील.नगर विकास विभाग (प्रधान सचिव (नवि-२), मंत्रालय, मुंबई)कडे१६ सप्टेंबर ते २२ सप्टेंबर, २०२५ पर्यंत मा.राज्य निवडणूक आयोग यांनी अंतिम प्रभाग रचनेस मान्यता देतील.मा. राज्य निवडणुक आयोग यांनी अंतिम केलेली प्रभाग रचना अधिसूचनेद्वारे प्रसिद्ध केली जाईल.पिंपरी चिंचवड महानगरपालिका आयुक्त ०३ ऑक्टोबर, २०२५ ते ०६ ऑक्टोबर, २०२५ पर्यंत प्रसिद्ध करतील. त्यानुसार आरक्षण सोडत आणि नोव्हेंबर पर्यंत निवडणुका होतील अद्याप तरी असे चिञ दिस आहे.माञ प्रारुप प्रभाग रचने मुळे सर्व उमेदवार आपआपला अंदाज बांधत आहेत.

हिंजवडीसह सात गावांचा पिंपरी चिंचवड महानगरपालिकेत समावेश न झाल्याने तसेच २०११ च्या जनगणनेच्या नुसार ही निवडणूक होत आहे.तसेच २०१७ प्रमाणेच प्रभाग रचना असल्याने प्रभाग किंवा नगरसेवक संख्येत वाढ झालेली नाही. प्रभाग ३२ व ४ सदस्यांचा एक प्रभाग असे नगरसेवकांची देखील १२८ च राहिली. या प्रारुप प्रभाग रचनेवर हरकती, आणी सुचना मागवण्यात येतील त्यावर पुन्हा सुनावणी होईल व त्यावर प्रभाग अंतिम होणार.एकूण १२८ पैकी ६४ नगरसेवकांच्या जागा या महिलांसाठी राखीव आहेत.अनुसुचीत जातीसाठी २०, अनुसूचित जमातीसाठी ३, तर इतर मागासवर्गासाठी (ओबीसी) २५ जागा आरक्षित आहेत. सर्वसाधारण म्हणजे खुल्या (ओपन) प्रवर्गातील ७० पैकी ३५ जागा महिलांसाठी तर ३५ जागा पुरुषांकरिता आहेत. अशाप्रमाणे जुन्याच प्रभाग रचना असल्याने आरक्षणाच्या सोडत झाल्यानंतर नेमका आरक्षण कोणत्या प्रभागात पडेल याची खात्री होईल मात्र त्याआधीच जुनी प्रभाग रचना असल्याने गुडघ्याला बाशिंग बांधलेल्या सर्व उमेदवारांनी निवडणुकीच्या धामधुमेकडे आत्ताच लक्ष केंद्रित करून कामाला सुरुवात देखील केलेली आहे.

खालील प्रमाणे प्रभाग रचना असणार आहे.

प्रभाग क्रमांक १ – चिखली गावठाण भाग, पाटीलनगर, गणेशनगर, मोरेवस्ती, सोनवणे वस्ती, ऐश्वर्यम कोर्टयार्ड, शाईन सिटी इमारत

प्रभाग क्रमांक २ – चिखली गावठाण भाग, रिव्हर रेसिडेन्सी, क्रिस्टल सिटी, स्वराज रेसिडेन्सी, गंधर्व एक्सलन्स, बनकर वस्ती, बोर्‍हाडेवाडी, वुडस व्हिला, जाधववाडी, राजे शिवाजीनगर, कुदळवाडी भाग.

प्रभाग क्रमांक ३ – मोशी गावठाण, गंधर्वनगरी, संत ज्ञानेश्वरनगर भाग, साई मंदिर परिसर, गोखले मळा, अलंकापुरम सोसायटी, वडमुखवाडी, काळजेवाडी, पठारेमळा, ताजणेमळा, चोवीसावीवाडी, चर्‍होहली, डुडूळगाव

प्रभाग क्रमांक ४ – दिघी गजाजन महाराजनगर, भारतमातानगर, गायकवाडनगर, भंडारी स्कायलाईन, साई पार्क, समर्थनगर, कृष्णानगर, रुणवाल पार्क, विजयनगर, दिघी गावठाण, काटे वस्ती, भाग-२ व्हीएसएनएल, गणेशनगर, रामनगर, बोपखेल गावठाण

प्रभाग क्रमांक ५ – रामनगर, तुकारामनगर, गुरुदत्त कॉलनी, गंगोत्री पार्क, सावंतनगर, महादेवनगर, गवळीनगर, श्रीराम कॉलनी, ज्ञानेश्वरनगर, चक्रपाणी वसाहत

प्रभाग क्रमांक ६ – धावडेवस्ती, भगतवस्ती, गुळवे वस्ती, चक्रपाणी वसाहत भाग, पांडवनगर,रोशल गार्डन परिसर, सद्गुरुनगर

प्रभाग क्रमांक ७ – शितलबाग, सेंच्युरी एन्का कॉलनी, सुविधा पार्क, आपटे कॉलनी, सॅन्डवीक कॉलनी, खंडोबामाळ, गव्हाणे वस्ती, भोसरी गावठाण, लांडेवाडी, शांतीनगर इत्यादी.

प्रभाग क्रमांक ८ – जय गणेश साम्राज्य, जलवायु विहार, केंद्रीय विहार, पीएमआरडीए सेक्टर १२ गृहप्रकल्प, संत नगर, महाराष्ट्र कॉलनी, इंद्रायणीनगर, खंडेवरती, गवळीमाथा, बालाजीनगर, इत्यादी.

प्रभाग क्रमांक ९ – टाटा मोटर्स, यशवंतनगर, विठ्ठलनगर, उद्यमनगर, स्वप्ननगरी, पंतप्रधान आवास योजना, अंतरीक्ष सोसायटी, अजमेरा सोसायटी, वास्तूउद्योग, मासुळकर कॉलनी, महिंद्रा रॉयल, खराळवाडी, गांधीनगर, नेहरूनगर, महिंद्रा अँन्थिया हौ. सोसायटी

प्रभाग क्रमांक १० – संत ज्ञानेश्वर नगर (म्हाडा), मोरवाडी, लालटोपीनगर, अमृतेश्वर कॉलनी, इंदीरानगर, सरस्वती विश्व विद्यालय परिसर, आंबेडकर नगर, एच.डी.एफ.सी कॉलनी, दत्तनगर, विद्यानगर, शाहूनगर, वृंदावन सोसायटी, संभाजीनगर

प्रभाग क्रमांक ११ – नेवाळे वस्ती, हरगुडे वस्ती, कुदळवाडी भाग, कृष्णानगर, शरदनगर, कोयनानगर, महात्मा फुलेनगर, पुर्णानगर, शिवाजी
पार्क, शिवतेजनगर, म्हेत्रे वस्ती, स्वस्त घरकुल प्रकल्प, अजंठानगर, दुर्गानगर

प्रभाग क्रमांक १२ – तळवडे गावठाण, एम.आय.डी. सी., आय.टी. पार्क, ज्योतीबा मंदीर परिसर, सहयोगनगर, रुपीनगर, त्रिवेणीनगर म्हेत्रे वस्ती भाग, ताम्हाणे वस्ती भाग, शिवसृष्टी सोसा. परिसर तळवडे

प्रभाग क्रमांक १३ – निगडी गावठाण, सेक्टर २२ ओटास्किम, यमुनानगर, माता अमृतानंदमयी मठ परिसर, श्रीकृष्ण मंदीर परिसर, साईनाथनगर

प्रभाग क्रमांक १४ – चिंचवड स्टेशन, महावीर पार्क, मोहननगर, रामनगर, जयगणेश व्हिजन, विवेकनगर, विठ्ठलवाडी, बजाज ऑटो, काळभोर नगर, ऐश्वर्यम सोसायटी, शुभश्री सोसायटी, दत्तवाडी, तुळजाईवस्ती

प्रभाग क्रमांक १५ – आकुर्डी गावठाण, गंगानगर, वाहतूक नगरी, सेक्टर नं. २४, २५, २६,२७, २७अ, २८, सिधूनगर, परमार पार्क, स्वप्नपुर्ती सोसायटी, केंद्रीय वसाहत, एलआयसी, एक्साईज इ.

प्रभाग क्रमांक १६ – वाल्हेकरवाडी भाग, गुरुद्वारा, नॅनोहोम सोसायटी, शिंदे वस्ती, रॉयल कासा सोसायटी, सेक्टर क्र.२९, रावेत, नंदगिरी सोसायटी, विकासनगर, क्रिस्टल सिटी, के. व्हीले. सोसायटी, के. टाऊन सोसायटी, सिल्व्हर ग्रेसिया सोसा., भालचंद्र विहार सोसा, सेलेस्टीयल सिटी फेज २, फेलिसिटी सोसा., मामूर्डी, किवळे इ.

प्रभाग क्रमांक १७ – दळवीनगर, प्रेमलोक पार्क, भोईर नगर, गिरीराज सोसायटी, रेलविहार सोसायटी भाग, शिवनगरी, नागसेननगर, आहेरनगर, वाल्हेकरवाडी गावठाण, चिंचवडेनगर, बळवंतनगर, बिजलीनगर, इत्यादी

प्रभाग क्रमांक १८ – एस के एफ. कॉलनी, रस्टन कॉलनी, पवना नगर, वेताळनगर, चिंचवड गावठाण, केशवनगर, तानाजीनगर, काकडे पार्क, मोरया राज पार्क, दर्शन हाॅल, माणिक कॉलनी, लक्ष्मीनगर, यशोपुरम सोसायटी इ.

प्रभाग क्रमांक १९ – विजयनगर, न्यू एस. के. एफ कॉलनी, उद्योगनगर, क्वीनस् टाऊन, सुदर्शननगर, श्रीधरनगर, आनंदनगर, भोईर कॉलनी, गावडे पार्क, एम्पायर इस्टेट, विस्डम पार्क, डॉ. बाबासाहेब आंबेडकर कॉलनी भाग, भिमनगर, निराधारनगर, सम्राट अशोकनगर, माता रमाबाई आंबेडकरनगर, बौध्दनगर, वाल्मीकीनगर, सॅनीटरी चाळ, भाटनगर, माजी मंडई, पिपरी कॅम्प इत्यादी

प्रभाग क्रमांक २० – विशाल थिएटर परिसर, एच.ए. कॉलनी, महेशनगर, संत तुकारामनगर, महात्मा फुलेनगर, वल्लभनगर, लांडेवाडी झोपडपट्टी, सी. आय. आर.टी., पार्श्वनाथ सोसायटी, कासारवाडी माग, अग्रसेननगर, कुंदननगर भाग इ.

प्रभाग क्रमांक २१ – मिलिंदनगर, सुमाषनगर, गौतमनगर, आदर्शनगर, इंदीरानगर, शास्त्रीनगर, बलदेवनगर, गणेशनगर, जिजामाता हॉस्पिटल, संजय गांधीनगर, वैभवनगर, अशोक थिएटर, वैष्णोदेवी मंदीर, मासुळकर पार्क, पिंपरीगाव, तपोवन मंदीर, बालामल चाळ, कैलासनगर, ज्ञानेश्वरनगर, डॉ. बाबासाहेच आंबेडकर कॉलनी भाग इत्यादी.

प्रभाग क्रमांक २२ – काळेवाडी, विजयनगर, आदर्शनगर, पवनानगर, ज्योतीबा नगर भाग, नढेनगर, कोकणे नगर, राजवाडे नगर, इत्यादी,

प्रभाग क्रमांक २३ – प्रसुनधाम, गंगा आशियाना, कुणाल रेसिडेन्सी, स्विस कॉउंटी, थेरगाव गावठाण, पडवळनगर भाग, पवार नगर, बापुजी बुवा नगर, जयमल्हार नगर भाग, धनगर बाबा मंदिर परिसर, अशोका सोसायटी, साईनाथनगर, समर्थ कॉलनी इत्यादी.

प्रभाग क्रमांक २४ – अदित्य बिर्ला हॉस्पिटल, दत्तनगर, पद्मजी पेपरमिल, ग्रिन्स हाऊसींग सोसायटी, गंगा ओशियन मिडोज, पडवळनगर माग, गणेशनगर, म्हातोबानगर, प्रथम सोसायटी, क्रांतीनगर, महाराष्ट्र कॉलनी, यशदा कॉलनी, गुजरनगर, मंगलनगर, बेलठिकानगर भाग, इत्यादी.

प्रभाग क्रमांक २५ – माळवाडी, पुनावळे, पंढारे वस्ती, काटेवस्ती, नवले वस्ती, ताथवडे, अशोकानगर, निबांळकरनगर, भुमकरवस्ती, वाकड, काळा खडक,मुजोंबानगर, मानेवस्ती, भुजबळ वस्ती, वाकडकर वस्ती, केमसे वस्ती, रोहन तरंग सोसायटी, प्रिस्टाईन सोसायटी, स्वरा प्राईड रेसीडेन्सी इत्यादी,

प्रभाग क्रमांक २६ – पिंपळे निलख, विशालनगर, पार्कस्ट्रीट, कस्पटेवस्ती, अनमोल रेसिडेन्सी, धनराज पार्क, दत्तमंदीर परिसर, अण्णाभाऊ साठेनगर, वेणुनगर भाग, रक्षक सोसायटी, भारत इलेक्ट्रॉनिक्स इत्यादी.

प्रभाग क्रमांक २७ – तापकीरनगर, श्रीनगर, शिवतीर्थनगर, बळीराम गार्डन, रहाटणी गावठाण, तांबे शाळा परिसर, सिंहगड कॉलनी, रायगड कॉलनी, लक्ष्मीबाई तापकीर शाळा परिसर, एस.एन.बी.पी. स्कूल परिसर, रॉयल ऑरेंज काऊंटी, आकाशगंगा सोसायटी इत्यादी

प्रभाग क्रमांक २८ – फाईव्ह गार्डन, शिवार गॉर्डन, प्लनेट मिलेनीयम, कापसे लॉन, रामनगर, पिंपळे सौदागर, कुणाल आयकॉन, रोझ लॅड, गोविंद गार्डन इत्यादी

प्रभाग क्रमांक २९ – कल्पतरू इस्टेट, क्रांतीनगर, काशिद पार्क, गगनगिरी पार्क, जवळकरनगर, शिवनेरी कॉलनी, गुलमोहर कॉलनी, ओंकार कॉलनी, श्रीकृष्ण नगर, गोकुळ नगरी, भालेकरनगर, पिंपळेगुरव, सुदर्शन नगर,वैदूवस्ती, इत्यादी

प्रभाग क्रमांक ३० – शंकरवाडी भाग, सरीता संगम सोसायटी, शास्त्रीनगर, केशवनगर, कासारवाडी भाग, हिराबाई लांडगे झोपडपट्टी, जवळकर कॉलनी, फुगेवाडी, संजयनगर, दापोडी, सिध्दार्थ नगर, गणेशनगर, सुंदरबाग कॉलनी, एस.टी वर्क शाॅप इत्यादी आनंदवन, SMS कॉलनी, जयभिमनगर, महात्मा फुले नगर,

प्रभाग क्रमांक ३१ – भाग-१: राजीव गांधीनगर, गजानन महाराज नगर, किर्ती नगर, विनायकनगर, गणेशनगर, कवडेनगर, मयुरनगरी, रामनगर, गांगार्डेनगर भाग, विद्यानगर, ज्ञानेश पार्क, स्वामी विवेकानंद नगर, समता नगर, राजाराम नगर, ढोरे पाटील फार्म, CME कॉलनी, संत तुकारामनगर, आनंद पार्क भाग इत्यादी. भाग-२ः ऊरो रुग्णालय.

प्रभाग क्रमांक ३२ – सांगवी गावठाण, कुंभार वाडा, गंगानगर, आनंदनगर, मधुबन सोसायटी, ढोरेनगर, पवारनगर, शिंदेनगर, मुळानगर, लक्ष्मीनगर, चंद्रमणी नगर, जयमालानगर, उषकाल सोसायटी, पवनानगर, संगमनगर, प्रियदर्शनी नगर, पी.डब्ल्यू.डी. कॉलनी, एस. टी. कॉलनी, ममतानगर, शितोळेनगर, पुष्पापार्क, कृष्णानगर, साईराज रेसीडेंसी, सह्याद्री कॉलनी, श्रीनगर, बासिलिओ सोसायटी, शिवदत्तनगर, शिवरामनगर इ.