किवळे,दि.०८ जानेवारी २०२६ (प्रजेचा विकास न्युज प्रतिनिधी):- पिंपरी-चिंचवड महानगरपालिका सार्वत्रिक निवडणूक २०२६ च्या पार्श्वभूमीवर प्रभाग क्रमांक १६ मध्ये शिवसेनेच्या अधिकृत उमेदवार सौ. रेश्मा बापूजी कातळे यांच्या प्रचाराला वेग आला असून, आज झालेल्या प्रचार फेरीला नागरिकांचा उत्स्फूर्त प्रतिसाद लाभला.
मुकाई चौक ते किवळे गाव, आदर्श नगर, व्हिजन अरिस्टो सोसायटी, प्लॅटिनम प्लाझा तसेच हिल क्रेस्ट सोसायटी परिसरात करण्यात आलेल्या प्रचारात शिवसेना उमेदवार बाळासाहेब नामदेव ओव्हाळ, सौ. ऐश्वर्या राजेंद्र तरस, निलेश गुलाब तरस यांच्यासह रेश्मा बापूजी कातळे स्वतः उपस्थित होत्या.
यावेळी शिवसेनेच्या विचारांवर विश्वास ठेवून प्रभाग क्रमांक १६ चा सर्वांगीण विकास, मूलभूत सुविधा, महिला सक्षमीकरण आणि नागरिकांच्या प्रश्नांना प्राधान्य देण्याचा ठाम निर्धार रेश्मा बापूजी कातळे यांनी मांडला. त्यांच्या स्पष्ट भूमिका व विकासाभिमुख दृष्टीकोनाला नागरिकांनी सकारात्मक प्रतिसाद दिला.
“प्रभागातील प्रत्येक नागरिकाचा आवाज महापालिकेत पोहोचवण्यासाठी आणि विकास कामांना गती देण्यासाठी मी कटिबद्ध आहे,” असे मत सौ. रेश्मा बापूजी कातळे यांनी यावेळी व्यक्त केले.
प्रचारादरम्यान अनेक नागरिकांनी रेश्मा बापूजी कातळे यांना विजयी करण्याचा विश्वास व्यक्त करत धनुष्यबाण चिन्हासमोर मतदान करण्याचे आश्वासन दिले.
