नगरसेवक मोरेश्वर भोंडवे यांचा विरोधकांवर घणाघात- नगरसेवक मोरेश्वर भोंडवे यांचा विरोधकांवर घणाघात
रावेत, दि.१० जानेवारी २०२६(प्रजेचा विकास न्युज प्रतिनिधी):- पिंपरी-चिंचवड महानगरपालिका सार्वत्रिक निवडणूक २०२६ च्या पार्श्वभूमीवर प्रभाग क्रमांक १६ मध्ये प्रचाराला वेग आला असून, नगरसेवक मोरेश्वर भोंडवे यांनी पाणी प्रश्नावरून विरोधकांवर जोरदार टीका केली आहे.
“माझं व्हिजन स्पष्ट आहे — नागरिकांना पाणी चोरून विकायचं नाही, तर २४ तास मोफत पाणी उपलब्ध करून द्यायचं,” असे ठाम मत मोरेश्वर भोंडवे यांनी व्यक्त केले. प्रभागातील नागरिकांकडून पाणीटंचाईबाबत मोठ्या प्रमाणात तक्रारी येत असल्याचे त्यांनी सांगितले.
भोंडवे पुढे म्हणाले की, “नदीचं पाणी विहिरीत घेऊन ते ‘विहिरीचं पाणी’ म्हणून नागरिकांना विकण्याचा धंदा काही विरोधक करत आहेत. मी नाव घेतलं तर ते मोठे होतील, म्हणून ते मला सतत डिवचण्याचा प्रयत्न करत आहेत. मात्र त्यांची मेरीट नाही,अहंकार असून पराभव डोळ्यासमोर दिसत असल्याने ते बिनबुडाचे आरोप करत आहेत.” स्वताच्या कर्तुत्वार नाही तर आमदारांच्या नावावर मत मागत आहेत.त्यामुळे मला प्रभागाची कामे करण म्हत्वाच आहे.
मतदार जनता आपल्या पाठीशी ठामपणे उभी असल्याचा विश्वास व्यक्त करताना त्यांनी सांगितले की, “शहरात राष्ट्रवादी काँग्रेसची सत्ता येणार असून, प्रभाग १६ मध्येही पॅनल निवडून येणार आहे.”
कोरोना काळ आणि प्रशासनिक अडचणींमुळे काही विकासकामे रखडल्याची कबुली देत त्यांनी केंद्र, राज्य आणि महापालिकेत भाजपची सत्ता असूनही विरोधी बाकांवरील लोकप्रतिनिधींना काम करू दिले गेले नाही, असा आरोप केला.
“भाजपच्या उमेदवारांनी मेरीटवर नाही तर विकासाच्या मुद्द्यांवर बोलावे,” असा सल्ला देत भोंडवे यांनी प्रचारात विकास, पाणीपुरवठा आणि नागरिकांच्या मूलभूत प्रश्नांनाच प्राधान्य देणार असल्याचे स्पष्ट केले.
प्रभाग क्रमांक १६ — रावेत, किवळे, मामुर्डी आणि विकासनगर — येथे यंदाची निवडणूक पाणी, विकास आणि पारदर्शक कारभार या मुद्द्यांवर रंगणार असल्याचे चित्र स्पष्ट होत आहे.
