किवळे, दि. २४ ऑगस्ट २०२६ (प्रजेचा विकास न्यूज प्रतिनिधी) : ग्राहकांच्या हातात खराब ब्रेड द्यायचा आणि जाब विचारला की ‘तुला काय करायचं ते कर’ म्हणायचे! आदर्श नगर किवळे शेवटचा बस स्टाॅप जवळ के व्हिला सोसायटी येथील मधुरा मिठास स्वीट होम येथील कथित प्रकाराने अन्नपदार्थांच्या गुणवत्तेबरोबरच ग्राहकांना दिल्या जाणाऱ्या वागणुकीवरही गंभीर प्रश्नचिन्ह उभे केले आहे.
२१ ऑगस्ट रोजी सकाळी साडेआठ वाजता अक्षय दीपक अंगरख यांनी मधुरा मिठास स्वीट होममधून ब्रेड खरेदी केला. घरी आणून ब्रेड उघडल्यानंतर तो खराब असल्याचे त्यांच्या निदर्शनास आले. त्यानंतर त्यांनी दुकानात जाऊन याबाबत जाब विचारला.
मात्र, ग्राहकाची तक्रार ऐकून घेण्याऐवजी दुकानदाराने ‘आम्ही माल विकलाय, आमच्या घरी बनत नाही; तुला काय करायचं ते कर’ अशा उर्मट भाषेत उत्तर दिल्याचा अंगरख यांचा आरोप आहे.अशा स्विट होम वर व दुकान मालकावर देखिल गुन्हे दाखल झाले पाहिजे.
इथेच हा प्रकार थांबला नाही.
अंगरख यांनी संबंधित प्रकाराचा व्हिडिओ काढण्यास सुरुवात केली आणि हा प्रकार सोशल मीडियावर टाकणार असल्याचे सांगितले. त्यावरही दुकानदाराकडून ‘सोशल मीडियावर सोड, नाहीतर तुकाराम मुंढे यांना जाऊन सांग’, अशा आशयाचे उत्तर देण्यात आल्याचा आरोप आहे.
‘तुला काय करायचं ते कर’ म्हणणाऱ्यांना आता FDAचा जाब!
दुकानदाराच्या या कथित मुजोर उत्तरानंतर अंगरख यांनी संबंधित प्रकार सोशल मीडियावर टाकला. व्हिडिओ Instagramवर व्हायरल झाला. त्यानंतर दुकानदाराचे लोक असल्याचे सांगत काही व्यक्ती Instagramवर फोन आणि मेसेज करून धमकावत असल्याचा गंभीर आरोप अंगरख यांनी केला आहे.
म्हणजे आधी खराब ब्रेड विकल्याचा आरोप, त्यावर जाब विचारला तर उर्मट उत्तर आणि त्यानंतर सोशल मीडियावर आवाज उठवल्यावर धमकीचे फोन!
हा नेमका कोणता ग्राहकसेवेचा नवा नमुना आहे? अशा स्विट होम वर व दुकान मालकावर देखिल गुन्हे दाखल झाले पाहिजे
FDAच्या दारात पोहोचला मामला
या संपूर्ण प्रकरणाची दखल घेत अंगरख यांनी महाराष्ट्र अन्न व औषध प्रशासनाकडे तक्रार दाखल केली आहे. FDA-MH-2026-006054 या क्रमांकाने तक्रार नोंदविण्यात आली असून, तक्रारीचा प्रकार ‘मुदतबाह्य / खराब उत्पादन’ असा नमूद करण्यात आला आहे.
तक्रारीसोबत खराब ब्रेडचे छायाचित्र सादर करण्यात आले आहे. घटनेचा व्हिडिओ पुरावा असल्याचेही तक्रारदाराने प्रशासनाला कळविले आहे.
मिठाईच्या दुकानात ग्राहकांच्या आरोग्याची अशी ‘गॅरंटी’ कोण देणार?
मधुरा मिठास स्वीट होम हे अन्नपदार्थ विकणारे दुकान आहे. अशा दुकानातून ग्राहक पैसे देऊन अन्नपदार्थ खरेदी करतात. त्या अन्नपदार्थाची गुणवत्ता आणि सुरक्षितता हा काही दुकानदाराचा उपकार नाही; ती ग्राहकाची मूलभूत अपेक्षा आणि विक्रेत्याची कायदेशीर जबाबदारी आहे.
ब्रेड खराब निघाल्याची तक्रार केली म्हणून ग्राहकाला ‘तुला काय करायचं ते कर’ असे सांगितले जात असेल, तर प्रश्न केवळ एका ब्रेडचा राहत नाही. प्रश्न आहे तो ग्राहकाला गृहीत धरणाऱ्या मानसिकतेचा!
आणि त्याहून गंभीर बाब म्हणजे, सोशल मीडियावर आवाज उठवल्यानंतर संबंधितांना धमकीचे फोन-मॅसेज येत असतील, तर अन्नाच्या गुणवत्तेपासून अभिव्यक्तीच्या अधिकारापर्यंत हा विषय पोहोचतो.
FDA आता केवळ तक्रार नोंदवून थांबणार का?
FDAने या प्रकरणात संबंधित दुकानाची तातडीने तपासणी करावी, अन्नपदार्थांचे नमुने तपासावेत आणि नियमभंग आढळल्यास संबंधितांवर कायद्यानुसार कठोर कारवाई करावी, अशी मागणी होत आहे.
कारण खराब अन्न विकणे हा केवळ ‘दुकानातील छोटासा प्रकार’ नाही. ग्राहकाच्या आरोग्याचा प्रश्न आहे.
‘स्थानिक नागरिकांचा’चा सवाल सरळ आहे—
ग्राहकाने खराब ब्रेडबाबत जाब विचारला म्हणून त्याला ‘तुला काय करायचं ते कर’ म्हणण्याचा अधिकार दुकानदाराला कोणी दिला?
आणि सोशल मीडियावर आवाज उठवल्यानंतर धमकीचे फोन-मॅसेज येत असतील, तर त्या धमक्यांची चौकशी कोण करणार?
FDAने या तक्रारीकडे गांभीर्याने पाहून दुकानाची तपासणी आणि दोष आढळल्यास कारवाई करणे आवश्यक आहे. ग्राहकांच्या आरोग्याशी खेळ करणाऱ्यांना कोणतीही मोकळीक मिळता कामा नये.
या सर्व प्रकरणाकडे प्रभाग क्रमांक 16 किवळे, रावेत विकास नगर, मामुर्डी, देहूरोड व तसेच पिंपरी चिंचवड शहरातील सर्व नागरिकांचे लक्ष लागले आहे, की अशा मजूर दुकानदारावर कारवाई होणार का याकडे सर्वांचे लक्ष लागले आहे.
