रावेत,दि.०८ जानेवारी २०२६(प्रजेचा विकास न्युज प्रतिनिधी):-चिंचवड महानगरपालिका सार्वत्रिक निवडणूक २०२६ च्या पार्श्वभूमीवर प्रभाग क्रमांक १६ मध्ये राजकीय वातावरण तापले असून, चिंचवड विधानसभा मतदारसंघाचे आमदार शंकर भाऊ जगताप यांची दिशाभूल करण्यात आल्याची जोरदार चर्चा सध्या राजकीय वर्तुळात रंगू लागली आहे.
या प्रभागात भारतीय जनता पार्टीकडून “मेरिटचे उमेदवार” दिल्याचा दावा केला जात आहे. मात्र, नेमकं हे मेरिट कोणतं? असा सवाल आता स्थानिक मतदारांसह राजकीय अभ्यासकांकडून उपस्थित केला जात आहे. केवळ पक्षनिष्ठा, ओळखी किंवा अंतर्गत समीकरणे म्हणजे मेरिट का? असा खोचक प्रश्न विचारला जात आहे.
प्रभाग क्रमांक १६ मध्ये भाजप पॅनलविषयी असंतोष वाढताना दिसत असून, स्थानिक कार्यकर्ते आणि मतदारांमध्ये “जमिनीवर काम करणारे चेहरे बाजूला ठेवून वरून लादलेले उमेदवार दिले” अशी कुजबुज सुरु आहे. याच चुकीच्या फीडबॅकमुळे आमदारांची दिशाभूल झाली असावी, अशी चर्चा उघडपणे होत आहे.
विशेष म्हणजे, या प्रभागात विरोधी पक्षांचे उमेदवार स्थानिक प्रश्न, नागरी सुविधा, पाणी, रस्ते, कचरा व्यवस्थापन यावर थेट संवाद साधताना दिसत असताना भाजप पॅनल मात्र मेरिट या शब्दापलीकडे ठोस मुद्दे मांडण्यात अपयशी ठरत असल्याचे चित्र आहे.
राजकीय जाणकारांच्या मते, जर वेळेत वास्तव परिस्थिती आमदारांपर्यंत पोहोचली नाही, तर प्रभाग क्रमांक १६ मध्ये भाजप पॅनलची वाटचाल पराभवाच्या दिशेने होण्याची शक्यता नाकारता येत नाही. चुकीचा फीडबॅक, चुकीची निवड आणि चुकीचे मेरिट निकष हे तीन घटक भाजपासाठी डोकेदुखी ठरत असल्याचे स्पष्टपणे जाणवत आहे.
आता प्रश्न इतकाच आहे की, आमदार शंकर भाऊ जगताप यांना खरी परिस्थिती कधी कळणार? आणि “मेरिट”चा गोंधळ दूर करून स्थानिक जनतेचा विश्वास पुन्हा मिळवण्यासाठी भाजप पावले उचलणार का? अशा फसवणुक करणार्यांनवर काय कारवाई करणार,जर पक्षाची आणि वरीष्टांची फसवणुक होत असेल तर सर्वसामान्य जनतेचे काय संपुर्ण प्रभाग उघड्यावर पडेल.त्यामुळे मतदार यावर नक्कीच विचार करतील,माञ अद्याप तरी प्रभागात अंसतोष आणि चर्चा पराभवाची रंगली आहे.
पुढील बातमीचा भाग-२ Comming Soon लवकरच पहा फक्त प्रजेचा विकास
