किवळे,दि.०५ जुलै २०२५ (प्रजेचा विकास न्युज प्रतिनिधी):-परिसरातील स्वच्छता राखणे, कचरा व्यवस्थापन करणे, आणि रोगराई पसरु नये यासाठी उपाययोजना करणे.याव्यतिरिक्त, आरोग्य विभाग, ब प्रभाग स्थानिक नागरिकांच्या आरोग्यविषयक गरजांवर लक्ष ठेवते आणि त्यानुसार आवश्यक उपाययोजना करते.
माञ पिंपरी चिंचवड महानगरपालिकेचे ब प्रभाग क्षेञिय कार्यालय अंतर्गत येणारा आरोग्य विभाग साफसफाई च्या बाबतीत उदासीन दिसून येत आहे. नागरिकांच्या वारंवार तक्रारी येऊन अनेक वेळा अधिकाऱ्यांशी संपर्क साधले असता, मार्च महिन्यापासून विकास नगर किवळे भागातील मीना कॉलनी पेंड्स कॉलनी या भागात खासदार फंडातून खासदार श्रीरंग बारणे यांच्या माध्यमातून सिमेंट काँक्रीटचे रस्ते बनवण्यात आले आहे. मात्र रस्त्याच्या बाजूला मातीची धुळ धाण मातीचे थर इतके साचली आहे. की तिथे पावसाळ्यात आता झाडे उगवली आहे. मात्र आरोग्य विभागाने डीप क्लिनिंग कडे दुर्लक्ष केले आहे. कधी रस्त्यावर चालताना खासदार फंडातून बनलेले रोड आहेत की चिखलातला रोड आहे. असा प्रश्न देखील महाराजा चौकाच्या जवळ असलेल्या पाणी साचलेल्या ठिकाणी दिसून येत आहे. मुळात हे डांबरीकरणाचे रस्ते चांगले असताना या ठिकाणी सिमेंट काँक्रिटीकरण का करण्यात आले? हा प्रश्न देखील नागरिकांना पडला होता. मात्र त्यावर कोणीही उत्तर दिले नाही. अनेक वेळा वारंवार रस्ता झाल्यापासून त्या ठिकाणी पाणीच असते मात्र त्या ठिकाणी ब्लॉकची उंची कमी करून स्ट्रॉंम वाॅटर मध्ये ढाळ काढण्याचा देखील अधिकाऱ्यांनी प्रयत्न केला नाही. अशा अनेक समस्यांनी मीना कॉलनी पेंडसे कॉलनी ग्रासलेली आहे. कचऱ्याच्या घंट्या गाड्या त्यावर भोंगे नसतात. कचऱ्याची गाडी आली की शाळेच्या मुलांना नेणारी गाडी आली यात देखील संभ्रम निर्माण होतो.. हाॅर्नचा आवाज देत गाड्या येतात. गाड्यावर कचरा गोळा करण्याच्या भोंगे म्युझिक दिले, असताना असा गैरप्रकार अनेक वेळा आढळून येतो. अनेक वेळा कचरा पुन्हा न्यायला येतो म्हणून गाड्या दोन दिवस येत नाही.पिंपरी चिंचवड महानगरपालिकेचे परमनंट कर्मचारी खाकी ड्रेस वाले मात्र गायब झालेत की काय? की तुषार कपूरचा गायब पिक्चर त्यांनी पाहिला आहे, असा प्रश्न देखील निर्माण होत आहे. काही ठिकाणी ठेकेदार कॉन्ट्रॅक्टर कामगार दिसतात. मात्र तेही तुरळक प्रमाणात असल्याने अनेक ठिकाणी आरोग्य विभागावरती ताशेरे ओढल्या जातात याकडे पिंपरी चिंचवड महानगरपालिकेच्या प्रशासन विभाग व पालिकेच्या आयुक्त व पालिकेच्या वैद्यकीय व आरोग्य प्रशासन लक्ष देणार का? की नागरिकांमध्ये गंभीर समस्या निर्माण झाल्यावर त्यावर बजेट पास करण्यासाठी वाट बघत राहणार अनेक ठिकाणी मच्छर चे प्रमाण देखील वाढत आहे. मात्र महापालिकेची धुराडी दिसत नाही. रस्त्याच्या कडेला औषध फवारणी नाही. अशा अनेक समस्या विकास नगर किवळे मीना कॉलनी, पेंडसे कॉलनी व संपूर्ण परिसरात दिसत आहे. तर काही ठिकाणी खाजगी जागेत आठवडी बाजार भरवला जातो त्या खाजगी जागेची साफसफाई करण्यासाठी हे आरोग्य विभागाच्या अधिकारी कर्मचाऱ्यांना साफसफाईसाठी लावतात मात्र प्रशासनाच्या ताब्यात असणारे रस्ते साफसफाई करण्याकडे दुर्लक्ष करतात. नागरिक हैराण मात्र आरोग्य विभाग स्वच्छतेची मोहीम फक्त कागदावरती या सर्वांचे परिणाम गंभीर आजारात देखील होऊ शकते त्यामुळे संपूर्ण परिसरात खळबळ उडाली आहे. मात्र हे आरोग्य विभागाचे अधिकारी कर्मचारी याकडे गंभीरतेने पाहत नाही त्यामुळे संपूर्ण शहरात चर्चेचा विषय बनला आहे.
