किवळे,दि.१५ जुन २०२२(प्रजेचा विकास न्युज प्रतिनिधी):-पिंपरी चिंचवड मनपा शाळा किवळे क्र. ९६ येथे आज १५ जून रोजी शैक्षणिक वर्षाच्या सुरुवातीलाच शाळा प्रवेशोत्सव व शाळा पूर्वतयारी मेळावा २ साजरा करण्यात आला. सदर कार्यक्रमात बौद्धिक, भावनिक, अंकज्ञान यावरील विविध खेळांचे स्टॉल शाळेतील शिक्षकांनी लावले होते. सर्व नवगतांचे स्वागत गुलाब पुष्प, चॉकलेट, खाऊ देऊन करण्यात आले.पहिल्याच दिवशी सर्व विद्यार्थ्यांना शालेय पुस्तके वाटप करण्यात आला.सदर कार्यक्रमास पालिकेच्या शिल्पा गोखले ( उप अभियंता),माजी नगरसेविका संगीताताई भोंडवे,युवा नेते राजेंद्र तरस तसेच बहुसंख्येने ग्रामस्थ उपस्थित होते.मुख्याध्यापिका सौ.सुनंदा अस्वार यांनी मार्गदर्शन केले.शाळेच्या कार्यक्रमाचे नियोजन सर्व शिक्षकांनी केले.सर्व विद्यार्थी व पालकांन मध्ये आनंदाचे वातावरण होते.
