चिंचवड,दि.२६ सप्टेंबर २०२६ (प्रजेचा विकास न्युज प्रतिनिधी):- नोकरीच्या शोधात असलेल्या युवक-युवतींसाठी **‘रोजगार महाकुंभ महाराष्ट्र २०२६’**चे आयोजन करण्यात आले आहे. चिंचवड विधानसभा मतदारसंघातील नवी सांगवी येथे मंगळवार, २९ सप्टेंबर २०२६ रोजी हा रोजगार मेळावा आयोजित करण्यात आला असून, परिसरातील पात्र व इच्छुक युवक-युवतींनी मोठ्या संख्येने सहभागी व्हावे, असे आवाहन चिंचवड विधानसभा मतदारसंघाचे आमदार शंकर जगताप यांनी केले आहे.
देशाचे पंतप्रधान नरेंद्र मोदी यांच्या जन्मदिनानिमित्त आयोजित करण्यात आलेला हा रोजगार मेळावा दि न्यू मिलेनियम इंग्लिश मीडियम स्कूल, नवी सांगवी येथे होणार आहे.
या रोजगार महाकुंभामध्ये विविध क्षेत्रांतील रोजगाराच्या संधी, नामांकित कंपन्यांशी थेट संवाद तसेच करिअरविषयक मार्गदर्शन उपलब्ध होणार आहे. युवक-युवतींना त्यांच्या कौशल्य आणि पात्रतेनुसार रोजगाराच्या संधी शोधण्यासाठी हे व्यासपीठ उपयुक्त ठरणार असल्याचे आयोजकांकडून सांगण्यात आले.
करिअरची पुढील दिशा ठरवण्यासाठी आवश्यक माहिती एकाच ठिकाणी उपलब्ध होणार असल्याने इच्छुक उमेदवारांनी या संधीचा लाभ घ्यावा, असे आवाहन करण्यात आले आहे.
इच्छुक उमेदवारांनी 99210 99214, 73500 79955 किंवा 75759 81111 या क्रमांकावर संपर्क साधावा. तसेच दिलेल्या ऑनलाइन नोंदणी लिंकद्वारे नावनोंदणी करून कार्यक्रमाला येताना आवश्यक कागदपत्रे सोबत आणावीत.
आमदार शंकर जगताप म्हणाले…
“पिंपरी-चिंचवड आणि परिसरातील आपल्या तरुण-तरुणींना त्यांच्या कौशल्यानुसार रोजगाराच्या सर्वोत्तम संधी एकाच छताखाली उपलब्ध व्हाव्यात, हा या रोजगार महाकुंभाचा मुख्य उद्देश आहे. नामांकित कंपन्यांशी थेट संवाद साधून स्वतःच्या करिअरला नवी दिशा देण्याचे हे प्रभावी व्यासपीठ ठरेल. परिसरातील सर्व पात्र आणि इच्छुक युवक-युवतींनी या संधीचा जास्तीत जास्त लाभ घ्यावा आणि मोठ्या संख्येने सहभागी व्हावे.”
— शंकर पांडुरंग जगताप
आमदार, चिंचवड विधानसभा मतदारसंघ
