रावेत,दि.२७ डिसेंबर २०२५(प्रजेचा विकास न्युज प्रतिनिधी):- प्रभाग क्रमांक १६ क (सर्वसाधारण महिला गट) अंतर्गत येणाऱ्या रावेत, किवळे, विकासनगर, मामुर्डी, साईनगर व गुरुद्वारा परिसरातून विद्यमान नगरसेविका संगिताताई राजेंद्र भोंडवे पुन्हा एकदा महानगरपालिका निवडणूक लढवत आहेत.
मागील पाच वर्षांच्या कार्यकाळातील तब्बल तीन वर्षे कोरोना महामारीत गेल्याने अनेक विकासकामांवर मर्यादा आल्या. उर्वरित दोन वर्षांत विविध अडचणींवर मात करत प्रभागातील प्रलंबित कामे मार्गी लावण्याचा प्रामाणिक प्रयत्न केल्याचे संगिताताई भोंडवे यांनी सांगितले. काही कामे पूर्णत्वाच्या टप्प्यावर असून, उर्वरित कामे तडीस नेण्यासाठी पुन्हा एकदा सभागृहात प्रभागाचा आवाज पोहोचवण्याचा निर्धार त्यांनी व्यक्त केला.
सध्या त्या मतदारांच्या भेटीगाठी घेत असून प्रचाराद्वारे थेट जनतेशी संवाद साधत आहेत. “जनतेच्या सेवेसाठी मी पुन्हा एकदा कठीबद्ध असून, विकासाची कामे पूर्ण करण्यासाठी जनतेने मतदानरूपी आशीर्वाद द्यावा,” अशी अपेक्षा त्यांनी व्यक्त केली.
प्रजेचा विकास या न्यूजशी बोलताना संगिताताई भोंडवे म्हणाल्या की, प्रभागातील मूलभूत सुविधा, रस्ते, पाणी, स्वच्छता व नागरिकांच्या दैनंदिन प्रश्नांसाठी आपण सातत्याने पाठपुरावा केला असून, पुढील काळात अधिक प्रभावीपणे काम करण्याचा निर्धार आहे.
प्रभाग १६ क मधील विकासाचा प्रवास पुढे नेण्यासाठी संगिताताई भोंडवे यांनी पुन्हा एकदा जनतेसमोर आपली भूमिका स्पष्ट केली असून, आगामी निवडणुकीत त्यांची भूमिका लक्षवेधी ठरणार आहे.
