पुणे,दि.१७ सप्टेबंर २०२५ (प्रजेचा विकास ऑनलाइन न्यूज प्रतिनिधी):-रिपब्लिकन पार्टी ऑफ इंडिया (खरात गट) तर्फे मुख्यमंत्री सचिवालय कार्यालय तसेच जिल्हाधिकारी गृह कार्यालयात निवेदन देण्यात आले. या निवेदनाद्वारे हर्षवर्धन बारवरकर याला ताबडतोब अटक करून कडक कारवाई करण्याची मागणी करण्यात आली आहे.
राष्ट्रीय अध्यक्ष सचिनभाऊ खरात यांच्यावर सोशल मीडियाच्या माध्यमातून आक्षेपार्ह, अपमानस्पद आणि मानहानीकारक वक्तव्य करण्यात आल्याने महाराष्ट्रात तणावाचे वातावरण निर्माण होत आहे. या प्रकारामुळे कायदा-सुव्यवस्थेचा प्रश्न निर्माण होऊन समाजात असंतोष पसरत आहे व उद्रेक होण्याची शक्यता आहे.
या पार्श्वभूमीवर शासनाने गंभीर दखल घेऊन अनुसूचित जाती-जमाती अत्याचार प्रतिबंधक कायद्याखाली गुन्हा दाखल करून तातडीने हर्षवर्धन बारवरकरला अटक करण्यात यावी, तसेच सचिनभाऊ खरात यांना पोलीस संरक्षण द्यावे, अशी मागणी रिपाई (खरात गट) तर्फे करण्यात आली आहे.
या प्रसंगी प्रदेश सचिव व पुणे जिल्हाध्यक्ष अक्षय चोपडे, प्रदेश मुख्य संघटक फिरोज मुल्ला (सर), प्रदेश उपाध्यक्ष विनोद गायकवाड, पश्चिम महाराष्ट्र व पुणे शहर अध्यक्ष राजाभाऊ कांबळे, पुणे शहर युवक अध्यक्ष राहुल घोडके, पुणे शहर अल्पसंख्यांक अध्यक्ष हकीक शेख, पुणे शहर वाहतूक आघाडी अध्यक्ष बाबाहरी सोनवणे, छत्रपती शिवाजीनगर मतदारसंघ अध्यक्ष संदीपभाऊ शेंडगे आदी पदाधिकारी उपस्थित होते.
