किवळे,दि.०८ जानेवारी २०२६(प्रजेचा विकासन्युज प्रतिनिधी):- पिंपरी-चिंचवड महानगरपालिका सार्वत्रिक निवडणूक २०२६ अंतर्गत प्रभाग क्रमांक १६ मध्ये शिवसेनेच्या उमेदवार सौ. ऐश्वर्या राजेंद्र तरस यांच्या प्रचाराला चांगलीच गती मिळताना दिसत आहे. मुकाई चौक ते किवळे गाव, आदर्श नगर, व्हिजन अरिस्टो सोसायटी, प्लॅटिनम प्लाझा आणि हिल क्रेस्ट सोसायटी परिसरात आज जनसंपर्क दौरा पार पडला.
या प्रचार फेरीत शिवसेनेच्या उमेदवार सौ. रेश्मा बापूजी कातळे, बाळासाहेब नामदेव ओव्हाळ, निलेश गुलाब तरस यांच्यासह ऐश्वर्या तरस यांनी नागरिकांशी थेट संवाद साधला. महिलांच्या प्रश्नांपासून युवकांच्या रोजगार, शिक्षण आणि नागरी सुविधांपर्यंतच्या मुद्द्यांवर त्यांनी ठाम भूमिका मांडली.
“महिला सक्षम झाल्या तर कुटुंब आणि समाज सक्षम होतो. प्रभाग क्रमांक १६ मध्ये महिलांसाठी सुरक्षितता, आरोग्य सुविधा आणि मूलभूत सोयीसुविधा उपलब्ध करून देणे हे माझे प्राधान्य राहील,” असे मत सौ. ऐश्वर्या राजेंद्र तरस यांनी व्यक्त केले.
त्यांच्या साध्या, अभ्यासू आणि संवादशील व्यक्तिमत्त्वामुळे महिला व तरुण वर्गातून विशेष सकारात्मक प्रतिसाद मिळत असून, शिवसेनेच्या विचारांवर विश्वास व्यक्त करत अनेक नागरिकांनी पाठिंबा दर्शवला.
प्रचारादरम्यान प्रभागाच्या सर्वांगीण विकासासाठी शिवसेना पॅनलला भरघोस मतदान करण्याचे आवाहन करण्यात आले.
